IS JOU HAKSKENE DROOG EN GEBARS?
Dit is nie ongewoon om na ’n lang winter, of selfs ’n langer somer, ’n paar sandale aan te trek en droë, gebarste hakskene te ontdek nie. Vind uit wat dit veroorsaak, hoe om genesing te bevorder en watter tipe skoene om te vermy as jy gebarste hakskene in die toekoms wil vermy!
Droë en koue weerstoestande, langdurige staan en stap en sommige tipes skoene soos plakkies en ander oophakskoene kan barste (ook bekend as krake) in die vel van jou hakskene veroorsaak. Hierdie eenvoudige, beskermende stappe kan verdere skade help voorkom en genesing bevorder:
- Eksfoliasie: Gebruik ’n nat skuurklip in die stort en skuur jou hakke en eelte sagkens. Dit sal help om die dikte van die eelte te verminder en toelaat dat rome beter in hierdie areas geabsorbeer word.
- Bevogtig: Vogrome kan help om die meeste klein krake te laat verdwyn, maar indien jy erge barste het, soek na ’n produk wat vir voete en hakskene ontwerp is en wat glikolsuur en/of salisielsuur bevat, wat die vel dieper kan binnedring. Smeer dit aan voordat jy bed toe gaan, en trek dan ’n paar katoensokkies aan.
- Kies geskikte skoene: Oophakskoene soos plakkies laat die vel in die hakskeenarea toe om uit te sit en te bars. Kies toehakskoene - ten minste tot jou voete gesond is.
