DRIE VOEDSELS WAT GESONDE SIG BEVORDER
Die handhawing van gesonde sig verg meer as net gereelde roetineondersoeke - dit wat jy eet kan ’n positiewe impak op jou sig hê.
Voeg die volgende by jou maaltye:
- Donker blaargroente wat luteïen en seaxantin bevat - twee karotenoïede wat kan help om katarakte en ouderdom-verwante makulêre degenerasie te hanteer. Spinasie, krulkool en ander groen groente is almal uitstekende bronne. Begin deur bindslaai in slaaie met spinasie te vervang en voeg ’n porsie groen groente by jou maaltye.
- Patats (saam met pampoen en spanspek) bevat baie karotenoïede, wat as voorlopers van vitamien A funksioneer - ’n voedingstof noodsaaklik vir normale sig en retinafunksionering. ’n Eenvoudige, gesonde ruiling is om ’n patat in plaas van ’n wit aartappel te bak.
- Eiers. Slegs een eier per dag sal jou luteïen- en seaxantinvlakke verhoog en ook swaelverbindings voorsien wat kan help voorkom dat katarakte vorm. As jy nie ’n aanhanger van eiers vir ontbyt is nie, voeg ’n gesnyde, hardgekookte eier by ’n slaai vir middagete of aandete.
