Sekere tipes hoofpyn moet dringend ondersoek word as jy dit nog nooit vantevore gehad het nie, sê ’n neuroloog by Guy’s and St Thomas’ Headache Centre in Londen. 1. Ondraaglike, skielike pyn agter in die kop wat binne twee tot vyf minute ’n piek bereik: Dit is veral kommerwekkend by iemand wat nie gewoonlik hoofpyn kry nie en moet met ’n CT-skandering en lumbale punksie ondersoek word om vir bloed in die spinale vloeistof te soek. Moontlike oorsake sluit bloeding op die brein of meningitis in. 2. Hoofpyn wat deur aktiwiteit aangebring word: Dié wat toeslaan terwyl jy oefen, hoes, tydens inspanning of seks kan ’n teken wees an drukking in die brein. Dit kan ’n tumor, bloeding, kanker of ’n sist wees. 3. Eerste hoofpyn op hoë ouderdom: Bloedtoetse en ’n CT-skandering sal ernstige oorsake soos temporale artritis wat deur inflammasie van die skedelslagare veroorsaak word en tipies as ’n dowwe pyn in die slape voorkom, uitskakel. Dit verg dringende behandeling om blindheid of beroerte te voorkom. 4. Hoofpyne wat jou wakker maak: Dit kan ’n simptoom wees van ’n tumor, want dit is ’n teken van druk wat in die nag opbou. 5. Pyn met ’n hoë koors, stywe nek, verwardheid, toevalle, dubbelvisie of uitslag: Dit kan meningitis wees.
