Terwyl daar deurlopend oor die optimale gebruik van aanvullings en hulle doeltreffendheid gedebatteer word, en terwyl aanvullings nie die plek van ’n gesonde dieet kan inneem nie, beveel die apteker dit vir die volgende redes aan: ʼn Goeie daaglikse multivitamien-/ multimineraalaanvulling kan as versekering teen tekorte in die dieet werk, byvoorbeeld vir daardie dae wanneer jy op die pad is en eenvoudig net nie die vrugte en groente kry wat jy nodig het nie. Hoe meer gereeld ons aan ons liggame antioksidante en fitovoedingstowwe verskaf, hoe beter sal ons voedingsvereistes op ’n daaglikse basis vervul word, en hoe beter sal ons algehele gesondheid wees. Aanvullings verskaf natuurlike terapeutiese agente in die perfekte dosisse, wat moeilik kan wees om slegs uit die dieet te kry, en dit kan help om ouderdomsverwante siektes te voorkom en te hanteer. Daar is baie min bekommernisse oor neweeffekte as jy aanvullings met hoëkwaliteitvitamiene gebruik, en dus kan die potensiële voordeel van meer belang as die geringe risiko wees.
